סָעֲרָה נַפְשִׁי

סָעֲרָה נַפְשִׁי

בְּהִתְעַטֵּף עָלַי רוּחִי

רָעָשָׁה גַּם סָעֲרָה נַפְשִׁי

חִשְּׁבָה לְהִשָּׁבֵר

בְּצַר רוּחִי, בְּמַר נַפְשִׁי

מִן הַמֵּצַר לָהּ קָרָאתִי

שׁוּבִי נַפְשִׁי לִמְנוּחָיְכִי

מַה תִּשְׁתּוֹחֲחִי וּמַה תֶּהֱמִי

דִּרְכִי עֹז, הֵרָגְעִי וָדוֹמִּי

אֲבָל נַפְשִׁי הָלְכָה וְסָעֲרָה עָלָי

מֵאֲנָה סֹעֲרָה לִמְצֹא מַרְגּוֹעַ

וְסַעַר גָּדוֹל מִתְגּוֹרֵר בִּלְבָבִי,

עַד אָנָה נַפְשִׁי לֹא תִשְׁקֹטִי

תְּסַמְּרִי שַׂעֲרַת בְּשָׂרִי?

בְּהִתְעַטֵּף עָלַי נַפְשִׁי

פָּנִיתִי בְּמַעֲשַׂי שֶׁעָשׂוּ יָדַי

וְהָיָה כְּמוֹ יָיִן שָׂמֵחַ לִבִּי

מִכָּל עֲמָלִי וּמִכָּל מִשְׁלַח יָדִי   

שָׂשׂוֹן וְשִׂמְחָה וְטוּב לֵבָב הִשִּׂיגוּנִי

נָסוּ יָגוֹן וַאֲנָחָה

וַאֶשְׂמַח כִּי רַבָּה תִּקְוָתִי

מִפְלָט לִי מֵרוּחַ סֹעָה מִסָּעַר

וְהִנֵּה קָמָה סְעָרָה לִדְמָמָה וַתֶּחֱשֶׁה